Pfizer koronavirusga qarshi tabletka ko‘rinishidagi dorini odamlarda sinovdan o‘tkazishni boshladi

Kompaniyada ta'kidlanishicha, agar sinovlar muvaffaqiyatli o‘tsa, vositani kasallikning erta bosqichida virus ko‘payishini to‘xtatish uchun qo‘llash mumkin bo‘ladi. 

Pfizer bosh ilmiy xodimi Mikael Dolstenning ta'kidlashicha, hozircha sinovlar vaqtida hech qanday muammolar yuzaga kelmagan va natijalar bir necha hafta ichida olinishi mumkin.

Agar barchasi yaxshi kechsa, kompaniya yilning 2-choragida sinovlarning 2- va 3-bosqichlarini boshlashi mumkin. Bu esa Pfizer’ga yil oxirigacha vositani favqulodda qo‘llash uchun ruxsat olishga ariza berishiga imkon beradi. 

Vosita mualliflarining ta'kidlashicha, yangi dori virusning ko‘payishi oldini olish uchun proteaza deb nomlangan ferment bilan birikadi.

Ta'kidlanishicha, shunga o‘xshash vositalar OIV va gepatit S’ni davolashda muvaffaqiyatli qo‘llanadi.

Sinovlar vaqtida vositaning xavfsizligi va o‘zlashtirilishi baholanadi. Bundan tashqari, kompaniya tomirga kiritiladigan vositani ham sinovdan o‘tkazadi. Ushbu vosita bilan kasallikning og‘ir bosqichidagi bemorlarni davolash rejalashtirilgan.