Respublika bo‘yicha 233,6 ming gektar yer ikkilamchi ijara huquqlari asosida ajratib beriladi

Norma’ning yozishicha, quyidagi hujjatlar tasdiqlandi:

Qoraqalpog‘iston Respublikasi va viloyatlarda 2021 yil hosili uchun asosiy maydonlarga qishloq xo‘jaligi va sabzavot ekinlarini joylashtirish ko‘rsatkichlari;

2021 yil hosili uchun lalmi maydonlarga qishloq xo‘jaligi ekinlarini joylashtirish ko‘rsatkichlari;

Qoraqalpog‘iston Respublikasi va viloyatlarda 2021 yilda ertaki ekinlar va g‘alladan bo‘shaydigan takroriy maydonlarga qishloq xo‘jaligi ekinlarini joylashtirish ko‘rsatkichlari;

Qoraqalpog‘iston Respublikasi va viloyatlarda 2021 yil hosili uchun bog‘ va uzumzor qator oralariga qishloq xo‘jaligi ekinlarini joylashtirish ko‘rsatkichlari;

Qoraqalpog‘iston Respublikasi va viloyatlarda 2021 yilda foydalanishga kiritilgan yerlarda shotut va balxi tut plantatsiyalari tashkil etish;

Qoraqalpog‘iston Respublikasi va viloyatlarda 2021 yil hosili uchun g‘o‘zaning rayonlashgan va istiqbolli navlarini joylashtirish ko‘rsatkichlari;

2021 yilda kutilayotgan minimal narxlarga nisbatan rag‘batlantiruvchi koeffitsiyent joriy etiladigan g‘o‘zaning seleksion navlari;

Qoraqalpog‘iston Respublikasi va viloyatlarda 2021 yil hosili uchun chigit ekish sxemalari;

Qoraqalpog‘iston Respublikasi va viloyatlarda 2021 yil hosili uchun paxta yetishtirishda talab etiladigan urug‘lik, mineral o‘g‘it va yonilg‘i-moylash materiallari hajmlari hisob-kitobi.

Shu bilan birga, tegishli vazirlik va idoralarga quyidagilar yuzasidan topshiriqlar berildi:

yer maydonlariga qishloq xo‘jaligi ekinlari ekish va ko‘p yillik daraxtzorlar barpo etish, urug‘, ko‘chat, mineral o‘g‘it hamda suv bilan ta'minlash tadbirlari o‘z vaqtida amalga oshirilishini ta'minlash;

respublika bo‘yicha 233,6 ming gektar yer ikkilamchi ijara huquqlari asosida ajratib berilishini ta'minlash hamda har bir tumanda yoshlar uchun kooperatsiya shartlarida mahsulot yetishtirishni joriy etish;

sug‘orish grafiklari asosida o‘z vaqtida suv bilan to‘liq ta'minlash;

kasallik, zararkunanda va begona o‘tlardan himoya qilish uchun zarur kimyoviy preparatlar zaxirasini yaratish.

Qishloq xo‘jaligi mahsulotlarini yetishtirish uchun talab etiladigan mablag‘lar Moliya vazirligi mablag‘lari va tijorat banklari kreditlari hisobidan ajratiladi.