Abdulaziz Komilov Tojikistonga tashrif buyuradi

O‘zbekiston delegatsiyasining bo‘lajak «Osiyo yuragi – Istanbul jarayoni» forumidagi ishtiroki to‘g‘risida rasmiy ma'lumot berildi.

2021 yilning 30 mart kuni O‘zbekiston tashqi ishlar vaziri Abdulaziz Komilov boshchiligidagi delegatsiya «Osiyo yuragi – Istanbul jarayoni» muloqotining to‘qqizinchi vazirlar konferensiyasida ishtirok etish uchun Dushanbe shahriga (Tojikiston) tashrif buyuradi.

O‘zbekiston Tashqi ishlar vazirligi xabariga ko‘ra, forumda Afg‘onistondagi vaziyatni barqarorlashtirish va uning ijtimoiy-iqtisodiy tiklanishiga yordam berish maqsadida xavfsizlikni ta'minlash hamda mintaqaviy iqtisodiy hamkorlikni yanada rivojlantirish masalasi muhokama qilinadi.

Shuningdek, ishtirokchi mamlakatlar o‘rtasida o‘zaro ishonchni mustahkamlash choralarini kuchaytirish masalalari ko‘rib chiqilishi rejalashtirilgan.