Davlat organlarida mehnatga haq to‘lashning yagona tizimi joriy etiladi

Prezident “Davlat hokimiyati va boshqaruvi organlarining tuzilmasini maqbullashtirish va shtat birliklari sonini qisqartirish to‘g‘risida”gi qarorni imzoladi.

Kun.uz manbasi xabariga ko‘ra, davlat organlarida mehnatga haq to‘lashning yagona tizimi joriy qilinadi.

Xususan, prezident qaroriga ko‘ra, Moliya vazirligi 2021 yil 15 mayga qadar:

vazirlik, idoralar va boshqa budjet tashkilotlari shtat jadvallarini qaror bilan belgilangan boshqaruv xodimlarining cheklangan soniga va yordamchi xodimlar sonining belgilangan me'yorlariga muvofiq ro‘yxatdan o‘tkazilishini ta'minlaydi;
davlat hokimiyati va boshqaruvi organlari, ularning idoraviy va hududiy bo‘linmalari faoliyati samaradorligini oshirish, yuqori samarali mehnatga intilishni kuchaytirish, xodimlarning o‘z kasb darajasini oshirishdan manfaatdorligini ta'minlashni nazarda tutuvchi mehnatga haq to‘lashning yagona tizimini joriy etish bo‘yicha O‘zbekiston prezidenti qarori loyihasini kiritadi.

Davlat organlari sonini qisqartirish rejalashtirilmoqda