Xorazm viloyati hokimiga yangi matbuot kotibi tayinlandi

Odilbek Jumaboyevich Adambayev Xorazm viloyati hokimining matbuot kotibi – axborot siyosati masalalari bo‘yicha maslahatchisi etib tayinlandi.

Unga hokimlik faoliyatiga doir axborotlarni shakllantirish va rasmiy veb-saytga joylashtirib borish, o‘z vaqtida axborotlarning yangilanishini ta'minlash vazifasi yuklatildi.

Odilbek Adambayev bu lavozimga tayinlagunga qadar «Xalq so‘zi» gazetasi muxbiri bo‘lib ishlagan edi.

Xorazm viloyati hokimining sobiq matbuot kotibi Shonazar Sadikjanovich Karriyev «Xorazm hududiy elektr tarmoqlari» AJ matbuot kotibi sifatida ish boshladi.