15:44 / 09.04.2021
5050
Пўлат Бобожонов Қорақалпоғистонда 7 нафар ходимни ишдан олди. 9 та ҳудуддаги фаолиятга жиддий эътироз билдириб, 14 инспекторни ротация қилди
Фото: ИИВ ахборот хизмати

Қорақалпоғистон Республикаси Ички ишлар вазирлигида ўрганишлар якунига бағишланган кенгайтирилган видеоселектор йиғилиши бўлиб ўтди. Унда Ички ишлар вазири Пўлат Бобожонов, Вазирлар Кенгаши раиси Қаҳрамон Сариев, республика ва шаҳар-туман сектор раҳбарлари иштирок этишди.

Қорақалпоғистондаги сектор раҳбарлари / Фото: ИИВ Ахборот хизмати

Йиғилишда 2020 йил давомида ва жорий йилнинг ўтган даврида, Қорақалпоғистонда жиноятчиликка қарши кураш ва ҳуқуқбузарликларни барвақт аниқлаш борасидаги ишлар муҳокама қилинган.

Фото: ИИВ Ахборот хизмати

Ички ишлар вазири «Темир дафтар», «Аёллар» ва «Ёшлар» дафтарларига киритилган фуқароларни ҳар томонлама қўллаб-қувватлаш борасида етарли чора-тадбирлар белгиланмаганлиги учун Нукус шаҳри, Қанликўл, Кегейли, Чимбой, Қўнғирот, Тахиатош, Беруний, Қораўзак ва Бўзатов туманлари ҳуқуқ-тартибот идораларининг фаолиятига жиддий эътироз билдирган.

Фото: ИИВ Ахборот хизмати

Шунингдек, ўз хизмат ҳудудида жамоат хавфсизлигини таъминлашда йўл қўйган жиддий камчиликлар учун 7 нафар ички ишлар органлари ходимлари эгаллаб турган лавозимидан озод этилган. 5 нафар ходим эса интизомий жазога тортилган. Шу билан бирга, доимий яшаш жойидан олисда хизмат қилаётган 14 нафар профилактика инспекторлари ротация қилинган.

Aйтбай Темирханов - Қорақалпоғистон Р. ИИВ  / Фото: ИИВ Ахборот хизмати
Фото: ИИВ Ахборот хизмати
Top