22:40 / 16.04.2021
30890
Россия АҚШга қарши жавоб чораларини эълон қилди

Хусусан, Россиянинг ички ишларига аралашаётган АҚШ фондлари ва ноҳукумат ташкилотлари фаолиятини чеклаш чоралари кўрилади.

Фото: Наталья Селиверстова/РИА Новости

Россия ташқи ишлар вазирлиги АҚШга қарши жавоб санкцияларини эълон қилди.

Қайд этилишича, Москва 10 нафар америкалик дипломатни мамлакатдан чиқариб юборади, АҚШ элчихоналарига Россия ёки бошқа мамлакатлар фуқароларининг ишга олинишини тўхтатади ва америкалик дипломатларга ўзлари жойлашган ҳудуддан бошқа ҳудудларга боришни тақиқлайди.

Шунингдек, Россиянинг ички ишларига аралашаётган АҚШ фондлари ва ноҳукумат ташкилотлари фаолиятини чеклаш чоралари кўрилади. Бундан ташқари, яқин вақт ичида қора рўйхатга киритиладиган америкалик амалдорларнинг исм-шарифи эълон қилинади.

Ташқи ишлар вазирлигининг таъкидлашича, агар Вашингтон санкциялар сиёсатини давом эттирадиган бўлса, Москва бошқа усулларни ҳам кўриб чиқади.

15 апрел куни АҚШ президенти Жо Байден Россияга нисбатан янги санкциялар киритиш тўғрисидаги фармонни имзолади.

Top