10:51 / 20.04.2021
1829
Қўқонда хизмат машинасида қоидани бузиб ҳаракатланган ИИБ ходимига чора кўрилди

Қўқон шаҳрида хизмат машинасида қоидани бузиб ҳаракатланган ИИБ ходимига чора кўрилди. Бу ҳақда Йўл ҳаракати хавфсизлиги бош бошқармаси ахборот хизмати хабар бермоқда.

Маълум қилинишича, ижтимоий тармоқларда «Nexia-3» русумли, «40 773 VSF» давлат рақам белгили автомобил ҳайдовчиси йўл ҳаракати қоидаларининг 31-банди (Светофорнинг қизил ишораси, шунингдек, милтилловчи қизил ишораси ҳаракатланишни тақиқлайди)да белгиланган талабларни четлаб ўтгани акс этган видеотасвир тарқалган.

Мазкур ҳолат ўрганилганда «Nexia-3» русумли, «40 773 VSF» давлат рақам белгили автомобил ҳайдовчиси қоидабузарлиги ўз тасдиғини топган.

Таъкидланишича, автомобил бириктирилган ҳайдовчига нисбатан базавий ҳисоблаш миқдорининг 2 баравари, яъни 490 минг сўм миқдорида жарима жазоси белгиланган.

Top