Hindistonda koronavirus bemorlari davolanayotgan shifoxonada 24 kishi halok bo‘ldi

NDTV telekanalining xabar berishicha, voqea Nashik shahridagi davlat shifoxonasida yuz bergan. U yerda kislorod ta'minoti va o‘pkani sun'iy shamollatish qurilmasiga ulangan 150ga yaqin bemor bo‘lgan.

Ta'kidlanishicha, halok bo‘lganlar kislorod ta'minotining izdan chiqishi oqibatida kislorod yetishmasligidan jon berishgan.

Mahalliy hokimiyat vakili Suraj Mandxarning ma'lum qilishicha, ayni vaqtda bemorlarga kislorod berilishi tiklangan.

Shtatning sog‘liqni saqlash vaziri Rajyesh Top hukumat voqeaning batafsil tergovini o‘tkazishiga va'da bergan.