Ta'mirlash ishlari bois «Qorasuv-Bo‘ka-Bekobod» avtomobil yo‘li yopildi

Toshkent viloyatining 4P – 20 «Qorasuv-Bo‘ka-Bekobod» avtomobil yo‘li transport vositalarining harakati uchun vaqtincha yopildi, deb xabar qilmoqda Toshkent viloyati IIBB YHXB Axborot xizmati.

Ta'kidlanishicha, Toshkent viloyati, xususan, Nurafshon shahrida olib borilayotgan keng ko‘lamdagi obodonlashtirish va qayta qurish ishlari munosabati bilan ayrim avtomobil yo‘llarida avtomototransport vositalarining harakati vaqtinchalik to‘xtatilmoqda. Jumladan, Nurafshon shahar hokimining farmoyishiga asosan 23 aprel kuni 4R-20 – “Qorasuv-Bo‘ka-Bekobod” avtomobil yo‘lining 0-2 kilometrlari oralig‘ida transport vositalari harakati to‘liq to‘xtatiladi.

Harakat ishtirokchilaridan ushbu holatni inobatga olgan holda harakatlanishlarini hamda “Yo‘l harakati qoidalari” talablariga qat'iy amal qilishlarini so‘rab qolamiz, deyiladi xabarda.