14:27 / 03.05.2021
2928
Тошкент вилоятида «Тиббиёт шаҳарчаси» лойиҳаси амалга оширилиши режалаштирилмоқда

Тошкент вилояти ҳокими Даврон Ҳидоятов "Sentr Group" компанияси вакиллари билан учрашди. Бу ҳақда вилоят ҳокимлиги хабар беряпти.

Фото: Тошкент вилояти ҳокимлиги ахборот хизмати

Тиббиёт туризми йўналишида нуфузли компаниялардан бири бўлган "Sentr Group" вакиллари билан мулоқот чоғида Ўзбекистоннинг географик жойлашуви ва иқлими тиббиёт туризмини ривожлантириш учун жуда қулайлиги таъкидланди.

Тошкент вилоятида дастлабки босқичда 40 млн доллар сармоя киритиш орқали "Тиббиёт шаҳарчаси" лойиҳасини амалга ошириш истаги билдирилгани айтилади.

Қайд этилишича, ҳудудда тиббиётга ихтисослашган ўқув даргоҳи, диагностика ва даволаш марказларидан ташқари кўнгилочар масканлар ҳам барпо этиш орқали вилоятда тиббиёт туризми сезиларли даражада ўсишига эришилади.

Даврон Ҳидоятов икки томонлама манфаатли ҳамкорликка тайёр эканлигини таъкидлади, дейилади маълумотда.

Top