Rio-de-Janeyroda sodir bo‘lgan otishmada 23 kishi halok bo‘ldi

Rio-de-Janeyro metropolitenida yuz bergan otishma chog‘ida 23 kishi halok bo‘ldi. Bu haqda G1 portali xabar bermoqda.

«Rio-de-Janeyro politsiyasining noqonuniy giyohvand moddalar savdosiga qarshi kurashish bo‘yicha o‘tkazgan operatsiyasi chog‘ida 23 kishi halok bo‘ldi», — deyiladi xabarda.

Aniqlik kiritilishicha, halok bo‘lganlarning bir nafari politsiya xodimi, qolgan 22 kishi esa gumondorlar bo‘lgan.

Qayd etilishicha, yana ikki nafar politsiyachi va ikki nafar yo‘lovchi jarohatlangan.