Isroil falastinliklarga iqtisodiy yordamni to‘xtatib qo‘yish bilan tahdid qildi

Isroil mudofaa vaziri Benni Gans mamlakat Iordan daryosi g‘arbiy sohilida keskinlik kuchayishini istamasligini, ammo armiya vaziyatning har qanday rivojiga tayyorligini bildirgan.

Foto: Reuters

Agar G‘azo sektoridan raketa hujumlari davom etadigan bo‘lsa, Isroil hukumati Falastinga iqtisodiy yordam ko‘rsatishni to‘xtatib qo‘yishi mumkin, dedi Isroil mudofaa vaziri Benni Gans.

Jerusalem Post gazetasining yozishicha, Gans bunday qarorni aynan uning vazirligi qabul qilishini aytgan.

Bundan tashqari, u Isroil Iordan daryosi g‘arbiy sohilida keskinlik kuchayishini istamasligini, ammo armiya vaziyatning har qanday rivojiga tayyorligini bildirgan.

Isroil va G‘azo sektori chegarasidagi vaziyat bir necha kundan beri keskinligicha turibdi. Har ikki tomon bir-birini raketalardan o‘qqa tutmoqda.

Bundan tashqari, 14 may kuni Iordan daryosining g‘arbiy sohili – Mahmud Abbos nazoratidagi hududda ham keskinlik kuchaya boshladi. Bu yerda minglab falastinliklar Isroil harbiylari bilan to‘qnashuvga kirgan.