23:11 / 20.05.2021
8740
Исроил Ғазодаги ҳарбий амалиётни тўхтатмоқчи — ОАВ

Исроил ҳукумати мисрлик воситачига Ғазо секторидаги ҳарбий амалиётини тўхтатмоқчилигини маълум қилди. Бу ҳақда Al Jazeera телеканали ўз манбаларига таяниб хабар берди.

Бу орада Исроилнинг Ynet портали амалиёт 20 ёки 21 майдаёқ тўхтатилиши мумкинлигини маълум қилган. 

Қолган тафсилотлар келтирилмаган. Шу билан бирга, Исроил мудофаа вазири Бени Ганц зарурат юзага келса, Ғазо секторига зарбалар кучайтирилиши мумкинлигини таъкидлаб ўтган.

Ўз навбатида, Фаластиннинг Москвадаги элчиси Абдулҳофиз Нўфал Фаластин Исроил билан бевосита музокараларга тайёрлигини маълум қилган. 

Аввалроқ ОАВда Исроил Ғазо секторига зарба беришни камайтираётгани маълум қилинган.

Маълумотларга кўра, Исроил ва Ғазо сектори ўртасида 10 майда бошланган навбатдаги қарама-қаршиликнинг 10 куни давомида 250дан кўпроқ фаластинлик, 12 нафар исроиллик ҳалок бўлган.

Мавзу
Исроил ва Фаластин можароси
Яқин Шарқ май ойи ўрталарида Фаластин-Исроил можаросининг 2014 йилдан кейинги энг авж палласини бошдан кечирмоқда.
Барчаси
Top