Minsk Latviya elchixonasining barcha xodimlaridan Belarusni tark etishni talab qildi

Bunga javoban Latviya Belarusning barcha diplomatlarini chiqarib yuborishga qaror qildi.

Belarus hukumati Latviya elchixonasining barcha xodimlaridan Belarusni tark etishni talab qildi. Bu haqda Belarus tashqi ishlar vaziri Vladimir Makey ma'lum qildi, deb xabar berdi BelTa.

Makeyning so‘zlariga ko‘ra, Latviya elchisi Rigada Belarus bayrog‘i bilan bog‘liq voqea yuzasidan mamlakat tashqi ishlar vazirligiga chaqirilgan.

«Bu voqeada Riga shahri meri bilan birga Latviya tashqi ishlar vazirining qatnashishi juda achinarli», — dedi Makey.

Uning aytishicha, elchiga Belarusni bir sutka ichida tark etish taklif qilingan.

«Binoga qarab turish uchun bir nafar ma'muriy-texnik xodim qoladi», — dedi vazir.

Bunga javoban Latviya Belarusning barcha diplomatlarini chiqarib yuborishga qaror qildi, deb xabar bermoqda Reuters.

Avvalroq Latviya poytaxtida Belarus davlat bayrog‘i muxolifat bayrog‘iga almashtirilgandi. Bayroq hokkey bo‘yicha jahon chempionatida qatnashuvchi terma jamoalar o‘yinchilari yashayotgan Radisson Blu Hotel Latvija mehmonxonasi yonida ko‘tarilgan.

Bayroqni almashtirishda Riga shahar dumasi raisi Martinsh Stakis hamda Latviya tashqi ishlar vaziri Edgar Rinkevich ishtirok etgan.

Tayyorlagan: Дилшод Аскаров

#Latviya #Belarus

Minskda Nexta muxolifatchi Telegram-kanali sobiq muharriri Roman Protasevich qo‘lga olindi. U uchayotgan samolyot bomba haqidagi xabar tufayli Belarusga favqulodda qo‘ndirildi. Qo‘nish haqidagi qarorni Lukashenkoning shaxsan o‘zi «Yevropani himoya qilish» uchun qabul qilgan