Konte «Inter» bilan shartnomani bekor qildi

Avvalroq italiyalik mutaxassis va milanliklar rahbariyati o‘rtasida kelishmovchilik yuz bergani xabar qilingandi. Klub rahbariyati moliyaviy inqiroz tufayli sarmoyalar miqdorini qisqartirish va jamoadagi ish haqini 20 foizga kamaytirishni xohladi. Konte esa bu rejani klub ambitsiyalariga zid deb hisoblab, kelasi mavsumni muvaffaqiyatli o‘tkazish uchun tarkibni kuchaytirish lozim deb hisobladi. 

Ma'lumot o‘rnida, 51 yoshli mutaxassis 2019 yilning yozida «Inter» bosh murabbiyiga aylanib, yakunlangan mavsumda jamoa bilan A Seriya chempionligini qo‘lga kiritdi.