Самарқанд вилояти Каттақўрғон шаҳрида «Ласетти» ва Жигули машиналари ўзаро тўқнашган. Оқибатда «Жигули» ҳайдовчиси оғир тан жароҳати олиб, вафот этган. Бу ҳақда вилоят ИИБ ЙҲХБ хабар бермоқда.
Маълум қилинишича, 3 июнь 01:30 ларда Каттақўрғон шаҳар Амир Темур шоҳкўчасида инсон ўлими билан боғлиқ йўл-транспорт ҳодисаси рўй берган. «Ласетти» ва «Жигули» машиналари ўзаро тўқнашган. Оқибатда «Жигули» ҳайдовчиси оғир тан жароҳатлари олган ва шифохонага олиб кетишда, йўлда вафот этган.
Аниқланишича, мазкур йўл-транспорт ҳодисасига ҳайдовчиларнинг тезликни ошириши сабаб бўлган. Қайд этилишича, мазкур ҳодиса юзасидан Каттақўрғон шаҳар ИИБ ЙҲХБ томонидан суриштирув ўтказилмоқда.
