Koinotda 30 yildan ko‘proq qolayotgan «Xabbl» teleskopi ishlashdan to‘xtadi

NASA’ning mashhur «Xabbl» teleskopi ishlamay qoldi. Koinot agentligida ta'kidlanishicha, koinotda 30 yildan ko‘proq vaqtdan beri qolayotgan va son-sanoqsiz kashfiyotlar qilgan teleskop astronomik kuzatuvlar olib borishdan to‘xtadi.

Foto: NASA

Teleskopda 1980-yillardagi kompyuter bilan muammolar yuzaga kelgani sababli u 13 iyundan beri ishlamayapti. Taxmin qilinishicha, kompyuter nosoz xotira platasi sababli o‘chib qolgan.

NASA aviadispetcherlari kompyuterni qayta yuklashga harakat qilishgan, biroq muammo hal bo‘lmagan. Hozirda mutaxassislar zaxira xotira blokiga o‘tishga harakat qilishmoqda. Agar u ishlab ketsa, unda teleskop barcha asboblar yoqilishidan oldin tekshiriladi. Hozircha teleskopdagi kameralar va boshqa asboblar xavfsiz rejimga o‘tkazilgan.

1990 yilda fazoga uchirilgan «Xabbl» unda o‘tkazilgan bir qator ta'mirlash ishlariga qaramay eskirib bormoqda.

Avvalroq mashhur teleskop koinotda qolayotganining 31 yilligini gigant sayyora shakllanishini muhrlash bilan nishonlagandi. Iyun boshida «Xabbl», shuningdek, o‘ziga qo‘shni galaktikaning tortish kuchi ta'sirida deformatsiyalangan galaktikani aniqlagandi.

#teleskop #Xabbl