17:53 / 24.06.2021
7019
Фарзанди камолини кўришни истаган ота-она уни пора билан кўрмасин – Абдуқодир Тошқулов

АОКА мажлислар залида 2021/2022 ўқув йилида ОТМларга қабул параметрлари мавзусида олий ва ўрта махсус таълим вазири, халқ таълими вазири ҳамда ДТМ директори иштирокида матбуот анжумани бўлиб ўтди.

Олий ва ўрта махсус таълим вазири Абдуқодир Тошқулов олий таълимга қабул даврида авж олувчи коррупция ва ижодий имтиҳон талаб қилинувчи ОТМлар учун мажбурий фанлар киритилганига тўхталиб ўтди.

«Қабул вақти ором олиш нималигини билмайман. Қайсидир ота-она қайсидир фирибгарнинг қўлига тушиб қолишини истамайман ва бунинг олдини олиш учун чора кўраман. Аввало, кишида ният тўғри бўлиши керак. Бизда катталар одатда ёши ўтган вақтини фарзанди билан, унинг камолга эришиши билан кўради. Фарзанди камолини кўришни истаган ота-она уни пора билан кўриши керак эмас.

Доим айтиб келаман, берувчи қўл бўлмаса, олувчиси бўлмайди. Ҳозир ижодийда ҳам мажбурий фанлар киритилишидан мақсад – коррупцияга барҳам бериш. Бу кимга қанчалик ёқади, билмайман, президентимиз бу таклифимизни қўллади ва қарорга шу банд киритилди.

Абитуриентларимизга шундай маслаҳат берардимки, ҳужжат топширишда шошмаслик керак, устози билан маслаҳат қилсин, улар шогирдининг устун тарафларини билади ва тўғри йўл кўрсатади», дея абитуриентлар ва ота-оналарга мурожаат қилди вазир Абдуқодир Тошқулов.

Top