Foto: KUN.UZ
«Uzbekistan Airways» AJ 2021 yil 4 iyuldan boshlab Urganch – Istanbul – Urganch yo‘nalishi bo‘yicha muntazam qatnovlarni tiklamoqda.
Parvozlar haftada bir marta yakshanba kunlari amalga oshiriladi.
Urganch – Istanbul yo‘nalishida aviachipta 2 935 000 so‘mdan, Urganch – Istanbul – Urganch yo‘nalishi bo‘yicha aviachipta narxi esa 4 282 000 so‘mdan boshlanadi.
Qayd etilishicha, aviachiptalarni aviakompaniyaning rasmiy saytidan, Uzbekistan Airways Sales filialidan yoki aviakompaniya agentlaridan xarid qilish mumkin.
