O‘zbekistonda koronavirusga qarshi eng ko‘p qaysi vaksina qo‘llanilayotgani aytildi

O‘zbekistonda koronavirusga qarshi eng ko‘p qaysi vaksina qo‘llanilayotgani aytildi. Kecha, 1 iyul kuni AOKAda o‘tkazilgan brifingda Koronavirusga qarshi kurashish shtabi a'zosi Botir Qurbonov ushbu savolga javob berdi.

«Hozir o‘zbekistonlik va xitoylik olimlar hammuallifligida ishlab chiqarilgan ZF-UZ-VAC2001 vaksinasi mamlakatimizda keng qo‘llanilmoqda.

Xususan, emlanganlarning 77 foizi shu vaksinadan foydalangan, 18 foizi — Astra-Zeneca, 5 foizi — Sputnik V vaksinasi bilan emlangan», deydi Botir Qurbonov.

Avvalroq, ijtimoiy tarmoqlarda O‘zbekistonga olib kelinayotgan koronavirusga qarshi vaksinalar inson organizmi uchun zararli ekani, ayniqsa, Xitoyda ishlab chiqarilgan vaksina juda xavfliligi to‘g‘risida turli xabarlar tarqaldi. 

O‘z navbatida, mazkur holat yuzasidan SSV matbuot xizmati Sanitariya-epidemiologik osoyishtalik va jamoat salomatligi xizmati rahbari o‘rinbosari Nurmat Otabekovga murojaat qildi.