Yaponiyada ko‘chki oqibatida 20 kishi bedarak yo‘qoldi

Yaponiyaning atami shahrida yuz bergan ko‘chki oqibatida kamida 20 kishi bedarak yo‘qolgan, deb hisoblanmoqda. "Bi-bi-si"ning xabar berishicha, kuchli jala ko‘chki sodir bo‘lishiga olib kelgan.

Ijtimoiy tarmoqlarda tog‘dan oqib kelgan qora to‘lqin shaharga yopirilgani aks etgan videolar joylashtirildi. Natijada bir nechta uy vayron bo‘ldi yoki ko‘chki ostida qoldi.

Kyodo agentligining xabariga ko‘ra, port rayonida ikki kishining jasadi topilgan.

Atami shahri o‘zining qaynoq buloqlari bilan mashhur kurort hisoblanadi. Bu yerda iyul oyining dastlabki uch kuni davomida bir oylik me'yordagi yomg‘ir yoqqan.