19:45 / 08.07.2021
610
Самарқандда ноқонуний ортиб кетилаётган 2,5 тонна рангли метал парчалари ушланди

Самарқанд вилоятида 2,5 тонна ноқонуний ортиб кетилаётган алюминий рангли метал парчалари тўхтатиб қолинган. Бу ҳақда вилоят божхона бошқармаси ахборот хизмати Kun.uz’га маълум қилди.

Қайд этилишича, Самарқанд вилояти божхона бошқармаси Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида, фуқаро М.О. бошқарувидаги ISUZU русумли юк машинаси тўхтатилиб, белгиланган тартибда назоратдан ўтказилган.

Натижада, автомашина юкхонасида тегишли ҳужжатлари бўлмаган, умумий оғирлиги 2 507 килограмм бўлган алюминий рангли металл парчалари яширилганлиги аниқланган.

Қайд этилишича, ҳозирда ҳолат юзасидан божхона органлари томонидан суриштирув ҳаракатлари давом эттирилмоқда.

Маълумот учун, Вазирлар Маҳеамасининг 2018 йил 6 июнда қабул қилинган «Рангли ва қора металлар парчалари, чиқиндилари билан ишлаш тартибини такомиллаштириш  чора-тадбирлари тўғрисида»ги 425-сонли қарорига асосан, жисмоний шахслар ҳам металл парчаларини эркин нархларда «Ўзметкомбинат» ва «Ўзиккиламчиранглиметалл» акционерлик жамиятларига топширишлари мумкин.

Top