Abu-Dabida koronavirusga qarshi choralar kuchaytiriladi

BAAning Abu-Dabi amirligida koronavirus tarqalishiga qarshi yangi choralar joriy qilinishi e'lon qilindi. Ular 19 iyul, dushanbadan amal qila boshlaydi.

Abu-Dabiga kirish uchun amirlikka kelishdan oldin 48 soatdan oshmagan vaqt ichida topshirilgan manfiy test yoki bir sutka ichida olingan ekspress manfiy PsR-test taqdim qilinishi kerak. Avval 72 soat ichida topshirilgan manfiy test qabul qilingan. Bu qoida ham xorijliklarga, ham amirlik rezidentlariga taalluqli bo‘ladi.

Amirlikda uzoqroq muddatga qoladiganlar koronavirusga qayta tekshiruvdan o‘tishlari kerak bo‘ladi.

Shuningdek, 19 iyuldan Abu-Dabi hududida soat 00:00dan soat 05:00gacha komendantlik soati amal qiladi. Bu vaqt davomida ko‘chalarni dezinfeksiya qilish uchun transport harakati to‘xtatiladi.

Bundan tashqari, savdo markazlari, kinoteatrlar, plyajlar va umumiy ovqatlanish shoxobchalariga tashrif buyuruvchilar soni cheklanadi.