09:32 / 22.07.2021
1709
Тунис соҳиллари яқинида 17 нафар қочқин ҳалок бўлди
Фото: Global Look Press

Тунис соҳиллари яқинида Ўрта ер денгизи орқали Италияга етиб олмоқчи бўлган 17 нафар қочқин ҳалок бўлди. Бунга қочқинлар кетаётган қайиқнинг ҳалокатга учраши сабаб бўлган.

Қизил хоч жамияти маҳаллий ваколатхонасининг маълум қилишича, барча ҳалок бўлганлар Бангладеш фуқаролари бўлган. Шу билан бирга соҳилбўйи қўриқлаш хизмати 380 кишини қутқариб қолишга муваффақ бўлган.

Қайиқ Ливия шимолидаги Зуар шаҳридан жўнаган. Унда Сурия, Миср, Судан, Эритрея, Мали ва Бангладешдан муҳожирлар бўлган.

Таъкидланишича, охирги вақтда денгизда об-ҳаво яхшилангани сабабли қочқинларнинг Европага тушиш мақсадида Тунис ва Ливиядан Италияга етиб олиши ҳолатлари кўпайган.

Top