Tailanddagi shahar ko‘chalari yuzlab och qolgan maymunlarga to‘lib ketdi

Tailandning Lopburi shahri ko‘chalari och qolgan maymunlar bilan to‘lib-toshdi, deb xabar bermoqda TSN.

Xabarda aytilishicha, jonivorlar yo‘llarni to‘sib qo‘ygani sababli avtomobillar aylanib o‘tishiga to‘g‘ri kelmoqda.

Ilgari maymunlarga mahalliy ibodatxonalarni tomosha qilgani kelgan turistlar yegulik berardi. Ammo karantin choralari tufayli maymunlar o‘zlari ovqat qidirishiga to‘g‘ri kelmoqda.

Qayd etilishicha, shaharda o‘tgan yili ham shunday vaziyat kuzatilgan.

O‘shanda shahar ko‘chalarida 6 mingdan ortiq maymun borligi aytilgan, ammo ularning aniq sonini hisoblashning imkoni bo‘lmagan.