Sog‘liqni saqlash vazirligi so‘nggi bir kunda O‘zbekistonda 879 kishida koronavirus, 529 kishida pnevmoniya aniqlangani, 6 bemor vafot etgani haqida xabar berdi. Bu pandemiya boshidan beri qayd etilgan mutlaq antirekord.
«2021 yil 28 iyul holatiga ko‘ra, O‘zbekistonda koronavirus infeksiyasi qayd etilganlar soni 127506 (+879) nafarni tashkil etmoqda», deyiladi SSV xabarida.
Yangi kasallanish holatlarining:
- 90 nafari Qoraqalpog‘iston Respublikasida,
- 32 nafari Andijon viloyatida,
- 16 nafari Buxoro viloyatida,
- 98 nafari Jizzax viloyatida,
- 27 nafari Qashqadaryo viloyatida,
- 15 nafari Navoiy viloyatida,
- 28 nafari Namangan viloyatida,
- 82 nafari Samarqand viloyatida,
- 22 nafari Sirdaryo viloyatida,
- 95 nafari Surxondaryo viloyatida,
- 75 nafari Farg‘ona viloyatida,
- 50 nafari Xorazm viloyatida,
- 109 nafari Toshkent viloyatida,
- 140 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Bundan tashqari, kecha kun davomida 529 nafar kishida pnevmoniya aniqlandi.
Bu koronavirus holatlari bo‘yicha pandemiya davridagi eng yuqori kunlik ko‘rsatkich hisoblanadi, pnevmoniya holatlari qo‘shilgan holatda ham mutlaq antirekord (jami +1408). Bundan avvalgi antirekord 28 iyul kuni qayd etilgan, 843 kishida koronavirus, 556 kishida pnevmoniya aniqlangandi (+1399).
Kecha kun davomida:
- Qoraqalpog‘iston Respublikasida 49 nafar,
- Jizzax viloyatida 55 nafar,
- Navoiy viloyatida 17 nafar,
- Namangan viloyatida 21 nafar,
- Samarqand viloyatida 106 nafar,
- Sirdaryo viloyatida 28 nafar,
- Farg‘ona viloyatida 66 nafar,
- Xorazm viloyatida 51 nafar,
- Toshkent viloyatida 72 nafar,
- Toshkent shahrida 108 nafar bemor tuzalib, kasallikdan sog‘ayganlar jami 121718 (+573) nafarga yetdi va sog‘ayish ko‘rsatkichi 95 foizni tashkil etmoqda.
Shuningdek, 6 nafar koronavirusga chalingan bemor vafot etib, kasallikdan vafot etganlar soni 859 nafarni tashkil qildi.
SSV matbuot xizmati ma'lumotiga ko‘ra, 28 iyul kuni O‘zbekiston hududlari bo‘ylab 218 ming dozadan ortiq vaksina qo‘llandi va shu vaqtgacha koronavirusga qarshi to‘liq emlanganlar soni 1 million 149 ming kishidan oshdi.
Shu vaqtgacha jami 6 982 431 doza vaksinadan foydalanilgan. 4,5 milliondan oshiq o‘zbekistonlik kamida birinchi dozani qabul qilgan.
