AQSh amerikalik harbiylar bilan ishlagan afg‘onistonliklarni evakuatsiya qilishni boshladi

Juma kuni "Tolibon" jangarilaridan xavfsirayotgan sobiq tarjimonlar va boshqa xodimlar AQShga yetib keldi.

Foto: Reuters

AQSh amerikalik harbiylar bilan ishlagan bir guruh afg‘onistonliklarni Amerikaga olib ketdi, deb xabar berdi Associated Press (AP) agentligi.

Shu tarzda Vashington Amerika armiyasi bilan hamkorlik qilgan mahalliy aholini Afg‘onistondan evakuatsiya qilishni boshladi.

"Bugun muhim bosqich: biz so‘nggi 20 yil davomida Afg‘onistonda amerikalik harbiylar va diplomatlar bilan yelkama-yelka ishlagan minglab afg‘onlarga bergan va'damizni bajarishda davom etamiz", - deyiladi AQSh prezidenti Jo Baydenning bayonotida.

Juma kuni "Tolibon" jangarilaridan xavfsirayotgan sobiq tarjimonlar va boshqa xodimlar AQShga yetib keldi.

AQSh hukumati amerikaliklar bilan hamkorlik qilgan 2,5 mingga yaqin afg‘onistonlikni evakuatsiya qilishni rejalashtirgan.

Bayden ma'muriyati ushbu operatsiyani "Ittifoqchilar boshpanasi" (Allies Refuge) deb nomlagan.

Minglab afg‘onlar AQSh tomonidan evakuatsiya qilinish uchun Kobulga kela olmayapti

AQSh qurolli kuchlariga ko‘maklashgan afg‘onistonliklarni evakuatsiya qilish uchun 100 million dollar ajratiladi

Tojikiston 100 ming nafar afg‘on qochqinlarini qabul qilishga tayyor