Xitoyda «delta» shtammi tarqalishi sababli karantin kuchaytirilmoqda

Xitoyda «delta» shtammini yuqtirish holatlari ko‘paygani sababli qator shaharlarda karantin kuchaytirilmoqda. Bu haqda France24 xabar berdi.

Qayd etilishicha, 20dan ortiq shahar va o‘ndan ortiq provinsiyada kasallik tarqalishi avj olgan.

Xunan provinsiyasidagi Chjuchjou shahrida 1,2 milliondan ortiq aholiga uch kun davomida uylaridan chiqmaslik buyurildi.

Sinxua agentligining xabar berishicha, Chjanszyatsze provinsiyasidagi Yundin shahrida 1,5 mln kishi yashaydigan mikrorayonlar yopilgan.

Pekinda turistlarning poytaxtga kirishi taqiqlandi. Aholidan 1 avgustdan boshlab zaruratsiz Pekinni tark etmaslik so‘raldi.