Қайд этилишича, 20дан ортиқ шаҳар ва ўндан ортиқ провинцияда касаллик тарқалиши авж олган.
Фото: AFP
Хитойда «дельта» штаммини юқтириш ҳолатлари кўпайгани сабабли қатор шаҳарларда карантин кучайтирилмоқда. Бу ҳақда France24 хабар берди.
Қайд этилишича, 20дан ортиқ шаҳар ва ўндан ортиқ провинцияда касаллик тарқалиши авж олган.
Хунан провинциясидаги Чжучжоу шаҳрида 1,2 миллиондан ортиқ аҳолига уч кун давомида уйларидан чиқмаслик буюрилди.
Синхуа агентлигининг хабар беришича, Чжанцзяцзе провинциясидаги Юндин шаҳрида 1,5 млн киши яшайдиган микрорайонлар ёпилган.
Пекинда туристларнинг пойтахтга кириши тақиқланди. Аҳолидан 1 августдан бошлаб заруратсиз Пекинни тарк этмаслик сўралди.
