O‘zbekiston qariyb 70 ming tonna pomidor eksport qildi. Bu haqda Davlat statistika qo‘mitasi xabar berdi.
Qo‘mita ma'lumotlariga ko‘ra, O‘zbekiston 2021 yilning yanvar-iyun oylari davomida qiymati 50,2 mln. AQSh dollariga teng bo‘lgan 69,0 ming tonna pomidor eksport qilgan.
Bu 2020 yilning mos davriga nisbatan solishtirilganda 7 ming tonnaga kam.
2021 yilning yanvar-iyun oylari davomida O‘zbekiston pomidor eksport qilgan asosiy davlatlar:
- Rossiya – 36,2 ming tonna;
- Qozog‘iston – 19,7 ming tonna;
- Qirg‘iziston – 11,0 ming tonna;
- Tojikiston – 1,9 ming tonna;
- Belarus – 53,6 tonna;
- AQSh – 20,9 tonna;
- Afg‘oniston – 12,0 tonna;
- Ukraina – 9,1 tonna;
- BAA – 7,7 tonna;
- Germaniya – 0,5 tonna.
