O‘zbekistonga kelgan turistlar soni qariyb 25 foizga oshdi

Milliy statistika qo‘mitasi ma’lumotlariga ko‘ra, 2026 yilning yanvar–iyun oylarida jami 6 million 565 ming 410 nafar chet el fuqarosi turistik maqsadlarda O‘zbekistonga tashrif buyurgan.

Bu ko‘rsatkich 2025 yilning mos davriga nisbatan 1 million 300 ming nafarga yoki 24,9 foizga oshgan.

Statistikaga ko‘ra, O‘zbekistonga eng ko‘p turist quyidagi davlatlardan kelgan:

• Qirg‘iziston — 1 875 332 nafar;

• Qozog‘iston — 1 553 688 nafar;

• Tojikiston — 1 471 670 nafar;

• Rossiya — 585 558 nafar;

• Afg‘oniston — 238 925 nafar;

• Xitoy — 223 479 nafar;

• Turkmaniston — 164 211 nafar;

• Turkiya — 95 466 nafar;

• Hindiston — 26 450 nafar;

• Germaniya — 22 294 nafar.

Ma’lumotlardan ko‘rinishicha, O‘zbekistonga tashrif buyurayotgan turistlarning asosiy qismini qo‘shni davlatlar fuqarolari tashkil etmoqda. Shu bilan birga, Xitoy, Turkiya, Hindiston va Germaniya kabi mamlakatlardan keluvchi sayyohlar oqimi ham saqlanib qolmoqda.