Minskdagi do‘konlar peshtaxtalaridan Ukraina, Litva va Polsha mahsulotlarini olib tashlash talab qilindi
Minsk shahar ijroiya qo‘mitasi raisi Vladimir Kuxarevning so‘zlariga ko‘ra, butun mamlakat miqyosida ana shunday qaror qabul qilish vaqti keldi.
Hukumat Minskdagi do‘konlarni «eng yaxshi peshtaxtalarga» Belarusga qarshi sanksiyalar kiritgan mamlakatlar mahsulotlarini joylashtirishda ayblamoqda, deb yozadi «Belarus segodnya».
«Bugun qator mamlakatlar — Ukraina, Litva, Polsha bizga qarshi sanksiyalar kiritgan — ularning mahsulotlari esa do‘konlarning eng yaxshi peshtaxtalarida turibdi! O‘zimizning mahsulotlarni esa qidirish kerak. Shuning uchun do‘konlar oldiga keskin talab qo‘ydik: yoki vaziyat o‘zgarishi kerak yoki biz chora ko‘ramiz», — deya Minsk shahar ijroiya qo‘mitasi raisi Vladimir Kuxarevning so‘zlaridan iqtibos keltiradi nashr.
Uning so‘zlariga ko‘ra, butun mamlakat miqyosida ana shunday qaror qabul qilish vaqti keldi.
Belarusga qarshi Yevroittifoq, AQSh, Buyuk Britaniya va Kanada sanksiyalar kiritgan, shuningdek, Litva, Polsha va Ukraina alohida choralar haqida e'lon qilgan.
Mavzuga oid
11:10 / 09.10.2024
Belarusda muxolifatchilarga qarshi yangi yirik ish ochildi
20:39 / 08.10.2024
Belarusda «davlat hokimiyatini egallashga uringan» 22 nafar muxolifatchiga jinoyat ishi qo‘zg‘atildi
10:50 / 05.10.2024
Surishtiruv: BR ukrainalik bolalarni harbiylashtirishga aloqador
21:50 / 04.10.2024