AQSh elchixonasi amerikalik fuqarolarni Afg‘onistonni darhol tark etishga chaqirdi

“AQSh elchixonasi amerikalik fuqarolarni mumkin bo‘lgan reyslar bilan Afg‘onistonni darhol tark etish lozimligidan ogohlantiradi. Agar samolyotga chipta olishga moliyaviy imkoniyatingiz bo‘lmasa, AQShning Kobuldagi elchixonasi bilan buning uchun kredit olish uchun bog‘laning. Agar amerikalik fuqaro bo‘lsangiz va turmush o‘rtog‘ingiz yoki farzandingiz uchun immigratsion vizani kutayotgan bo‘lsangiz, darhol biz bilan bog‘laning”, — deb aytilgan elchixonada.

AQSh elchixonasi bayonotida ta'kidlanishicha, elchixona xodimlari kamligi sababli fuqarolarga ko‘rsatiladigan yordam o‘ta cheklangan.

Ayni vaqtda Afg‘onistonda toliblar birin-ketin viloyatlar markazlarini egallamoqda. Avvalroq ular Afg‘onistonning yirikligi bo‘yicha ikkinchi shahri hisoblangan Qandahorni egallaganini e'lon qilgan. Agar bu ma'lumot tasdiqlansa, unda Qandahor viloyati markazi mamlakatning 34ta viloyat markazidan toliblar nazoratiga o‘tgan 12-markaz bo‘ladi.