Belarusda prezidentlikka sobiq nomzod Dmitriyev qo‘lga olindi

Andrey Dmitriyev 2020 yil avgustda bo‘lib o‘tgan prezident saylovida amaldagi prezident Aleksandr Lukashenkoga raqobatchilik qilgan to‘rt nafar nomzoddan biri edi.

Foto: Nataliya Fedosenko/TASS

Belarus prezidentligiga sobiq nomzod, «Govori pravdu» jamoat tashkiloti hamraisi Andrey Dmitriyev qo‘lga olindi, deb xabar berdi tashkilot matbuot xizmati.

«Hozirda Dmitriyev qanday sabab va kimlar tomonidan qo‘lga olingani noma'lum», — deyiladi tashkilot Telegram-kanalida.

Andrey Dmitriyev 2020 yil avgustda bo‘lib o‘tgan prezident saylovida amaldagi prezident Aleksandr Lukashenkoga raqobatchilik qilgan to‘rt nafar nomzoddan biri edi. Mamlakat markaziy saylov komissiyasi ma'lumotiga ko‘ra, u 1,2 foiz ovoz to‘plagan.

Saylovoldi kampaniyasi davomida u saylovga qo‘yilmagan Sergey Tixanovskiy, Viktor Babariko va Valeriy Tsepkaloni qo‘llab-quvvatlagandi.