Bugun O‘zbekistonga nisbatan salqin havo kirib kelishi boshlanadi

12 avgustda kunduz kuni O‘zbekiston hududiga Qozog‘iston orqali nisbatan salqin havo kirib kelishi boshlanadi. Havo biroz bulutli bo‘lishi kutilmoqda. Respublika bo‘yicha ba'zi joylarda shamol tezligi 17-22 m/s gacha kuchayishi mumkin. Harorat 33-38 daraja issiq atrofida bo‘ladi.

Poytaxtda havo kam bulutli bo‘ladi. Shamol tezligi 12-15 m/s gacha kuchayishi mumkin. Kunduz kuni harorat 34-36 daraja issiq bo‘ladi.

Tog‘li hududlarda yog‘ingarchilik kutilmaydi. Shamol 7-12 m/s tezlikda esadi, ba'zi joylarda 17-22 m/s gacha kuchayishi mumkin. Harorat 22-27 daraja issiqqacha pasayadi.