AQSh Afg‘onistondagi elchixonasini Kobul aeroportiga ko‘chirishi mumkin
AQSh Afg‘onistonda xavfsizlik ta'minlanishi bilan bog‘liq vaziyat yomonlashayotgani sababli o‘z elchixonasini Kobul aeroportiga ko‘chirishi mumkin. Bu haqda manbalarga tayanib CNN telekanali xabar berdi.
Ta'kidlanishicha, AQSh rahbariyati elchixona xodimlari xavfsizligini ta'minlashning turli variantlarini ko‘rib chiqmoqda. Ushbu variantlar ichida elchixonaning aeroport hududiga ko‘chirilishi ehtimoli yuqori, chunki bu zarurat yuzaga kelganda qisqa vaqt ichida amerikalik diplomatlarni Afg‘onistondan olib chiqishga imkon beradi. AQSh ma'muriyati elchixona hozirgi joyida qoldirilsa, aeroport va elchixona o‘rtasida harakatlanish xavfli bo‘lishi mumkinligidan xavotirlanmoqda.
Avvalroq Reuters axborot agentligi AQSh davlat departamenti Kobuldagi elchixonaning ko‘plab xodimlari evakuatsiya qilinishini e'lon qilishi kutilayotgani, bunda amerikalik harbiylar yordam berishini ma'lum qilgan. Bu maqsadda ushbu hududga qisqa muddatga qo‘shimcha kuchlar tashlanadi.
AQSh ma'muriyati vakili CBS telekanaliga Kobuldagi Hamid Karzay nomidagi aeroportga elchixona xodimlarini evakuatsiya qilish uchun qo‘shimcha kuchlar jo‘natilishini ma'lum qilgan.
Mavzuga oid
15:43 / 16.10.2024
AQSh Isroilga yordamni qisqartirish bilan tahdid qildi
08:40 / 16.10.2024
Lufthansa AQShda yahudiylar diskriminatsiyasi uchun jarimaga tortildi
10:20 / 15.10.2024
O‘zbekiston AQShga har hafta 3-4 tonna uzum eksport qilishni rejalashtirmoqda
20:59 / 14.10.2024