Eron prezidenti AQShning Afg‘onistondan ketishi bu mamlakatda tinchlik o‘rnatilishiga imkon berishini aytdi

Amerika kuchlarining Afg‘onistondan ketishi afg‘on yerida mustahkam tinchlikka erishish imkonini beradi. Bu haqda Eron prezidenti Ibrohim Raisiy aytdi.

«AQShning harbiy mag‘lubiyati va Afg‘onistonni tark etishi bu mamlakatda hayot, xavfsizlik tiklanishi va mustahkam tinchlik o‘rnatilishiga imkon beradi», — deya uning so‘zlaridan iqtibos keltirdi Mehr agentligi.

Raisiyning so‘zlariga ko‘ra, «Tehron Afg‘oniston uchun birinchi navbatda zarur bo‘lgan barqarorlik mustahkamlanishi uchun harakat qiladi».

15 avgust kuni «Tolibon» harakati jangarilari Kobulga kirdi va hokimiyatni egalladi. Afg‘oniston prezidenti Ashraf G‘ani mamlakatni tark etdi.