Korrupsion holatlar bo‘yicha eng ko‘p jinoyat ishi qaysi viloyatda qo‘zg‘atilgani aytildi

Qayd etilishicha, o‘tgan bir yil davomida respublika viloyatlarida o‘tkazilgan o‘rganish tadbirlarida to‘plangan hujjatlar asosida huquqni muhofaza qilish organlari tomonidan jami 34 ta jinoyat ishi qo‘zg‘atilishi ta'minlangan.

“Jinoyat ishlarining 26 tasi — budjet mablag‘larini talon-toroj qilish, 3 tasi — hujjatlarni qalbakilashtirish, 2 tasi — mansab vakolatini suiiste'mol qilish, 1 tasi — soliq to‘lashdan bo‘yin tovlash, 2 tasi — firibgarlik va firibgarlik yo‘li bilan pora olish jinoyatlari hisoblanadi”, dedi Durdona Ochilova.

Ushbu jinoyatlar hududlar kesimida tahlil qilinsa:

• Samarqand viloyatida — 8 ta;
• Andijon viloyatida — 6 ta;
• Toshkent shahrida — 6 ta;
• Jizzax viloyatida — 4 ta;
• Namangan viloyatida — 3 ta;
• Qoraqalpog‘iston Respublikasida — 3 ta;
• Toshkent viloyatida — 2 ta;
• Qashqadaryo viloyatida — 1 ta;
• Navoiy viloyatida — 1 ta jinoyat sodir etilgan. 

Ma'lum qilinishicha, mazkur jinoyatlarning 4 tasi — respublika, 10 tasi — viloyat, 20 tasi — tuman-shahar tashkilotlari hisobiga to‘g‘ri kelmoqda».