O‘z ismini oshkor qilishni istamagan homiylar Samarqand shahrida maktab qurib berdi
Samarqand shahridagi 9-informatika va axborot texnologiyalariga ixtisoslashgan tayanch maktabda 300 o‘rinli qo‘shimcha bino qurilgan. Viloyat xalq ta'limi boshqarmasining xabar berishicha, ushbu bino ismini oshkor qilishni istamagan homiylar tomonidan qurib berilmoqda.
Ma'lum qilinishicha, Samarqand shahrida joylashgan 9-informatika va axborot texnologiyalariga ixtisoslashgan tayanch maktabda yangidan qurilayotgan 300 o‘rinli qo‘shimcha bino ayni paytda bitgan. Jihozlash ishlari ham yakunlangan. Loyihaga ko‘ra, binoda 10 ta sinfxona, to‘garaklar va texnologiya xonalari bo‘lishi ko‘zda tutilgan. Sinfxonalarga 7 ta interaktiv, 3 ta markerli doskalar o‘rnatilgan.
Qayd etilishicha, hozirda sport va faollar zallari, oshxonalarning yakunlovchi ta'mir ishlari olib borilmoqda. Ushbu binolarni tabiiy gaz va ko‘mir bilan isitishga mo‘ljallangan zamonaviy qozonlar ham o‘rnatilgan.
Ta'kidlanishicha, mazkur bunyodkorlik ishlarining barchasi maktabning sobiq bitiruvchilari, tadbirkorlar tomonidan homiylik asosida amalga oshirilmoqda. Ularning iltimosiga ko‘ra, maktab direktori homiylarning ismini oshkor qilmagan.
Mavzuga oid
07:22 / 12.09.2022
IIBB 142-maktabda o‘quvchilar tekshirilgani bo‘yicha izoh berdi
16:39 / 08.09.2022
Navoiyda ehtiyojmandlarga ajratilgan yordam pullari “tuya” qilinyapti
18:48 / 15.10.2021
Ikki kunlik reydda maktab o‘quvchilaridan 338 nafari bozorlarda ishlayotgani aniqlandi
11:36 / 14.10.2021