“Tolibon” ayollarning uydan chiqishiga qo‘yilgan taqiq vaqtinchalik ekanligini bildirdi

“Tolibon” ishlaydigan ayollar hozircha uylaridan chiqmasligi kerakligi, keyinchalik ishga qaytishlari mumkinligini ma'lum qildi, deb xabar bermoqda VVS.

“Tolibon” vakili Zabihulla Mujohidning so‘zlariga ko‘ra, ayollarga nisbatan qo‘yilgan har qanday cheklov vaqtinchalik.

“Xavfsizlik kuchlarimiz ayollar bilan qanday muomala qilish, ular bilan qanday so‘zlashish kerakligini bilmaydi. To‘liq xavfsizlikni ta'minlamagunimizcha ayollardan uyda qolishlarini so‘raymiz”, – dedi u.

“Tolibon” hokimiyatni egallaganidan keyin o‘tkazgan ilk matbuot anjumanida mamlakatda ayollar huquqlari himoya qilinishini, ularga shariatga rioya qilgan holda faol turmush tarzini olib borishga imkon berilishini bildirgandi.