Milanda yong‘in binoning 15 qavatini to‘liq qamrab oldi

“Ehtimol, 15-qavatdan boshlangan yong‘in darhol tashqi qoplama orqali butun binoga tarqalgan”, deyiladi xabarda.

Hozir voqea joyida o‘nlab tez yordam va o‘t o‘chiruvchi mashinalar bor. Qutqaruvchilar uy aholisining bir qismini evakuatsiya qilishga muvaffaq bo‘lishdi, ba'zilari tutunning hidini sezib, darhol binoni tark etishgan.

Bino balandligi 60 metr, uning tashqi qoplamasi polistirol mahsulotidan qilingan. Nashrning xabar berishicha, binoda 70ta oila istiqomat qiladi.

Italiyaning La Stampa nashrining yozishicha, binoning yuqori qavatida hali ham olov yonmoqda va binodan qora tutunning qalin ustuni ko‘tarilgan. Bino atrofi o‘rab olingan.

Bino tashqarisidagi qurilish ashyolaridan binoda ta'mirlash ishlari olib borilayotganini bilish mumkin. Nashr yong‘in o‘sha yerdan boshlanganini istisno qilmaydi.