09:39 / 02.09.2021
1099
«Булунғур буюм савдо комплекси» МЧЖда содир бўлган ёнғин юзасидан жиноий иш қўзғатилди

Булунғур туманида жойлашган «Булунғур буюм савдо комплекси» МЧЖда содир бўлган ёнғин юзасидан жиноий иш қўзғатилган. Бу ҳақда Самарқанд вилояти прокуратураси ахборот хизмати хабар бермоқда.

2021 йил 31 август куни соат 23:24ларда Булунғур буюм бозорида ёнғин содир бўлган. Оқибатда савдо комплексига қарашли 5та, унга туташ бўлган 15та савдо дўкони ёниб кетганди.

Маълум қилинишича, 1 сентябрь куни вилоят прокурори Р.Машарипов, вилоят давлат солиқ бошқармаси бошлиғи А.Инагамов ёнғин содир бўлган савдо комплексида бўлишган. Улар ёнғиндан талафот кўрган дўконларни кўздан кечиришган.

Қайд этилишича, «Булунғур буюм савдо комплекси» МЧЖда содир бўлган ёнғин юзасидан Булунғур тумани ИИБ тергов бўлими томонидан Жиноят кодексининг тегишли моддалари билан жиноят иши қўзғатилган. Ҳозирги вақтда жиноят иши юзасидан мутахассислар жалб қилинган ҳолда дастлабки тергов ҳаракатлари олиб борилмоқда. Таъкидланишича, тергов ҳаракатлари натижалари ҳақида мунтазам равишда ахборот бериб борилади.

Top