Yevropada gaz narxi rekord darajada ko‘tarildi

Yevropa bozorida gaz narxi rekord darajada oshdi, deb xabar berdi RIA Novosti.

Ma'lumot berilishicha, ming kub metr gaz narxi 700 dollardan oshgan.

Savdo boshlanishida oktyabr fyuchersi uchun ming kub metr gaz narxi 679 dollarni tashkil etgan bo‘lsa, kechga yaqin 700,2 dollarga yetgan.

Chorshanba kuni narx 670 dollarga yetgandi, seshanba kuni esa 660 dollardan oshgandi.

Fitch agentligi vakili Dmitriy Marinchenkoning so‘zlariga ko‘ra, narx oshishi Yevropa gaz omborlaridagi yonilg‘i zaxiralarining kamligi bilan bog‘liq.