Qoraqalpog‘iston Respublikasining so‘nggi besh yillikdagi rivojlanish natijalari ma'lum qilindi.
Iqtisodiy tadqiqotlar va islohotlar markazi ekspertlari mintaqaning so‘nggi yillarida yuz bergan faol islohotlarning ijtimoiy-iqtisodiy rivojlanishidagi asosiy o‘zgarishlarini tahlil qildi.
Qoraqalpog‘iston Respublikasi yirik tabiiy, mineral va qishloq xo‘jaligi resurslari, mehnat salohiyati, yo‘l, transport va muhandislik-kommunikatsiya tarmoqlari, sanoat infratuzilmasi, qulay geografik joylashuvi va muhim hududiga ega.
Yalpi hududiy mahsuloti (YaHM) besh yil davomida 23 foizdan 21,9 trln so‘mgacha, sanoat mahsulotlari ishlab chiqarish 4,3 trln so‘mdan 14 trln so‘mgacha (22 foiz o‘sish) o‘sdi.
Qishloq xo‘jaligi mahsulotlari ishlab chiqarish 16 foizga, 2016 yildagi 4,1 trln so‘mdan 2020 yilda 10,4 trln so‘mgacha o‘sdi.
Hududda faoliyat ko‘rsatayotgan korxonalar soni 2016 yildagi 17,2 mingdan 2020 yilda 26,4 minggacha 54 foizga o‘sdi.
Infratuzilmani rivojlantirish sohasida 2016-2020 yillarda 1 719 km suv ta'minoti tarmoqlari tortildi va ta'mirlandi.
Aholini ijtimoiy muhofaza qilish va munosib turmush sharoiti yaratish borasida aholini munosib uy-joy bilan ta'minlash kabi vazifalarni hal etish muhim ahamiyat kasb etadi.
Xususan, o‘tgan besh yil mobaynida viloyatda 3 595 ming kvadrat metr uy-joy foydalanishga topshirildi, maktabgacha ta'lim muassasalarida 12,3 ming, maktablarda 27,7 ming joy yaratildi.
Ma'lumot uchun, shu davr mobaynida 105 mingga yaqin ish o‘rni yaratildi.
Eslatib o‘tamiz, avvalroq Qoraqalpog‘istonning 12 trln 300 mlrd so‘mlik «o‘sish nuqtalari»ni kompleks rivojlantirish taklif qilingandi.
