Qoʻshimcha funksionallar
-
Tungi ko‘rinish
Toliblar Afg‘oniston hukumatida yangi tayinlovlarni amalga oshirdi
Savdo, sog‘liqni saqlash vazirlari hamda ichki ishlar, mudofaa, energetika, tabiiy ofatlarga qarshi kurashish, chegara, qochqinlar ishlari, oliy ta'lim vazirlariga o‘rinbosarlar tayinlangan.
"Tolibon" harakati vaqtinchalik hukumat tarkibida yangi tayinlovlar amalga oshirilganini e'lon qildi.
Harakat matbuot kotibi Zabihulla Mujohidning ma'lum qilishicha, toliblar yetakchisi Haybatulla Oxundzoda Panjsher viloyatilik tadbirkor Hoji Nuriddin Aziziyni savdo vaziri vazifasini bajaruvchi etib tayinlagan.
Bog‘lon viloyatilik tadbirkor Hoji Muhammad Bashir uning o‘rinbosari, Saripul viloyatilik yana bir tadbirkor Hoji Muhammad Azim Sultonzoda savdo vazirining ikkinchi o‘rinbosari etib tayinlangan.
Shu tarzda toliblar hukumat tarkibiga nafaqat pushtunlar, balki boshqa milliy ozchilik vakillarini ham kiritishga tayyorligini ko‘rsatgan.
Toliblar yetakchisining farmoni bilan Qalandar Ibod sog‘liqni saqlash vaziri vazifasini bajaruvchi etib tayinlangan. Shuningdek, uning o‘rinbosarlari ham tayinlangan.
Bundan tashqari, ichki ishlar, mudofaa, energetika, tabiiy ofatlarga qarshi kurashish, chegara, qochqinlar ishlari, oliy ta'lim vazirlariga ham o‘rinbosarlar tayinlangani xabar qilinmoqda.
Shuningdek, milliy olimpiya qo‘mitasi va markaziy statistika boshqarmasiga rahbarlar tayinlangan.
AQShning Afg‘onistondan ketishi
Mavzuga oid
14:16
Afg‘onlarning yarmidan ko‘pining Germaniyaga kirish ruxsatnomalari bekor qilindi
18:35 / 18.01.2026
«Tolibon» elitasidagi bo‘linish: jurnalistlar internet masalasidagi manfaatlar to‘qnashuvini ochib berdi
23:16 / 06.01.2026
O‘zbek tilining Afg‘onistonda qo‘llanishiga cheklov joriy etilmadi – TIV
08:55 / 30.12.2025