“Tolibon” rahbariyati Rossiya, Xitoy va Pokiston vakillari bilan uchrashuv o‘tkazadi

“Tolibon” hukumati rahbari mulla Muhammad Hasan Oxund Kobulda Rossiya, Xitoy va Pokiston vakillari bilan uchrashuv o‘tkazadi. Bu haqda harakat vakili Ahmadulla Muttaqiy ma'lum qildi.

Xabarda aytilishicha, muzokaralarda Rossiya prezidentining Afg‘oniston bo‘yicha vakili Zamir Kabulov, Pokistonning Kobuldagi maxsus vakili Muhammad Sodiq Xon hamda Xitoyning Afg‘oniston bo‘yicha maxsus vakili Yue Syaoyun ishtirok etadi.

Toliblar tomonidan vazirlar mahkamasining qator a'zolari, jumladan, moliya vaziri Hidoyatulla Badriy hamda tashqi ishlar vaziri Amir Xan Muttaqiy qatnashadi.

Bo‘lajak uchrashuvning boshqa tafsilotlari ma'lum qilinmagan.