AQSh sog‘liqni saqlash vazirligi binosida bomba borligi haqidagi xabardan so‘ng evakuatsiya o‘tkazildi

Bomba portlashi haqidagi xabardan so‘ng AQSh sog‘liqni saqlash vazirligi binosida evakuatsiya ishlari o‘tkazildi, deb xabar berdi Fox5 nashri.

“Ertalab bomba portlashi haqida xabar olindi. Ehtiyotkorlik yuzasidan binoda evakuatsiya o‘tkazildi”, — deb ma'lum qildi vazirlikning jamoatchilik bilan aloqalar bo‘yicha kotibi yordamchisi Sara Lovenxaym.

Ma'lumot berilishicha, bino atrofidagi ko‘chalar politsiya tomonidan o‘rab olingan.

20 oktyabr kuni Kapitoliy politsiyasi mehnat vazirligi binosida portlash xavfi borligi haqidagi xabardan so‘ng atrofdagi ko‘chalarni yopib qo‘ygandi.