Buxoro viloyatining Buxoro tumani hududida yuk avtomobili ishtirokida avtohalokat sodir bo‘ldi. Bu haqda IIV YHXBB xabar berdi.
Ma'lum qilinishicha, holat 2021 yil 27 oktabr kuni soat 04:15 larda Buxoro viloyati, Buxoro tumani hududidan o‘tuvchi A-380 “Buxoro-Xorazm” avtomobil yo‘lining 236-kilometrida sodir bo‘lgan. 1967 yilda tug‘ilgan haydovchi B.Q. “Volvo” yuk mashinasini boshqarib ketayotib, uxlab qolgan. Buning oqibatida mashina yo‘l o‘rtasidagi beton to‘siqqa urilib, ag‘darilib ketgan.
Hodisa natijasida hech kim tan jarohati olmagan. YTH yuzasidan Buxoro viloyati IIB YHXB xodimlari tomonidan surishtiruv harakatlari olib borilmoqda.
2021 yilning 21 oktabr kuni ham Buxoro viloyatining Vobkent tumani hududida yuk avtomobili beton to‘siqqa urilgandi.
