Xorazmda 12 yoshdan 18 yoshgacha bo‘lgan o‘smirlar koronavirusga qarshi emlanadi

Shu maqsadda Pfizer/BioNTech vaksinasining 17 550 dozasi Xorazm viloyatiga yuborilgan.

Hozirda barcha shaxar (tuman) tibbiyot birlashmalari xamda SEO va JSX bo‘limlari tomonidan 12 yoshdan 18 yoshgacha bo‘lgan bolalarni koronavirus infeksiyasiga qarshi emlashga tayyorgarlik ko‘rilmoqda.

Avvalroq, Xorazm viloyatiga Pfizer/BioNTech vaksinasining 32 760 dozasi keltirilgan va undan 18 yoshdan oshgan fuqarolarni emlashda foydalanilgan edi.

26 oktyabr holatiga ko‘ra, Xorazmda koronavirusga qarshi emlanganlar soni  1 605 704 nafarni tashkil etmoqda.  

Jumladan,

• 1-bosqich emlanganlar 819 091 nafar;
• 2-bosqich emlanganlar 546 517 nafar; 
• 3-bosqich emlanganlar 240 096  nafar.

Shundan:

• 18 yoshdan katta bo‘lgan fuqarolar – 1 209 351 nafar;
• 65 yosh va undan katta fuqarolar – 102 008 nafar; 
• maktabgacha ta'lim muassasalari xodimlari – 35 699 nafar;    
• huquqni muhofaza qiluvchi organ xodimlari – 14 924 nafar;
• tibbiyot xodimlari – 47 233 nafar;
• maktab o‘qituvchilari – 78 042 nafar;
• surunkali kasalligi bor fuqarolar – 118 447 nafarni tashkil etgan.